قصيدة شعبية لشاعر أحوا زى(المرسل أبو علاء الاحوازى )

 لا لا،لا یا یُمّه ما نخضَع

www.ahwazculture.net

*****

یَمي لا تبچین مو وکت البواچي

یَمي هاي الزلم عیب إتهاب ، بس من الچعبه لاچي

یَمي دمعچ لا یشوفونه الیکرهون ونصیر احچایه لیهم

یَمي گومي اجلدي جدام أهلنه بگلب صابر جابلیهم

یَمي والعدوان لوشافوچ مکسورت الواهس

یفرحون ، آنه ادري بیهم

یَمي آنه ادري بمصیبتنه الچبیره

لاچن أکبر من مصیبتنه حچیهم

یَمي هم تدرین ویانّه هذول الیاسبب شدّوا عـَداوّه؟

ماتملگنه ییّمه وماانحنت رووس الزلم وادّینه خاوّه

یَمي کل دمعه التهل من عینچ الگلب العدوتنحسب فرحه

یَمي والمجروح لوشاف الذي ایکرهه ابفرح ینلچم جرحه

یَمي من أجدادنه احنه اتعلمینه اشلون نثبت بالشدائد

عرب احنه وذوله أهلنه والهم التاریخ شاهد

والحمیه المن ثدایاها رضعنه

 اتدور من اتشوف واحدأجنبي اعلینه ایتحکم

یَمي للساعه بعدهي

الغیرة ماعافت شرائین العرب منخلطه بالدم

یَمي ما ینزل من الحنجور طعم الذل

وحگ عیناچ چن علگم

یَمي ذول احنه أفاعي ومن  یهیج الزعـَل بینه

انسوّي کل الکون أظلم

نسلب من اعیون اعادینه لذیذ النوم وانشربّه السم

خلهم اشما رادو ایعملون خلهم

خلي اجروح الگلب  یایُمّه توسَع

وخلي سچینت غدرهم بلضلع یایمّه تِلسَع

لا وحگ عیناچ یَمي ، احنه للذل  عیب نرکع

 لا لا ،لا یا یُمّه ما نخضَع    لالا،لا یایُمّه ما نخضَع